Duke vlerësuar në vijimësi nevojat në nivel vendor për mjedisin dhe ato të OJF-ve dhe institucioneve vendore, REC do të ofrojë disa lloje grantesh, të ndryshme në veçoritë e tyre: shuma në dispozicion për secilin grant, përfituesit e granteve, kërkesat për kontribut nga burime të tjera, etj.

REC do të publikojë në vijimësi udhëzues specifikë për përgatitjen e projekt propozimeve, kriteret e vlerësimit dhe kërkesat specifike për të aplikuar, etj. Këto materiale dhe formularë mund të gjenden duke kontaktuar me zyrën e REC në Shqipëri.

Grupet e synuara dhe përfituesit

• Organizata jofitimprurëse që veprojnë në Shqipëri në fushën e mjedisit;
• Institucione të qeverisjes vendore
• Institucione të tjera që veprojnë për mjedisin në nivel vendor/rajonal;
• Komunitete vendore

Fokusi i Granteve
Mbështetja e aktiviteteve të OJF-ve që:

• Përmirësojnë aspekte të ndryshëm të mjedisit, në nivel vendor, nëpërmjet ndërhyrjeve konkrete dhe ndjekin prioritetet vendore e kombëtare mbi çështje të mjedisit urban: transportin, shëndetin, energjinë, menaxhimin e mbetjeve dhe ujit
• Mbështesin praktika të pjesëmarrjes publike dhe nxisin dialogun ndërmjet shoqërisë civile, aktorëve të ndryshëm për mjedisin dhe vendimmarrësve në të gjitha nivelet.

Afatet kohore
Thirrjet për grante do të njoftohen në vijimësi , në mënyrë periodike, gjatë gjithë periudhës trevjeçare të zbatimit të programit Janar 2008 - Dhjetor 2010.

Për më shumë informacion kontaktoni me Zyrën e REC në Shqipëri

Ambasada e Mbretërisë së Vendeve të Ulëta

Afatet për paraqitjen e projekt propozimeve për vitin 2008

Udhëzuesi për Projekt propozime
(MS Word, 447 kB)

Grante të miratuara dhe në zbatim

Vizitoni vazhdimisht këtë faqe interneti, për informacione të mëtejshme!

 E-mail: grants@albania.rec.org