PLVM Prespa

Plani Lokal i Veprimit ne Mjedis
Komunat Liqenas dhe Progër

Paraqitje e përgjithshme
Komunat Liqenas dhe Progër po punojnë në hartimin e PLVM për njësitë e tyre administrative si pjesë e rëndësishme e Parkut të Prespës.

PLVM për këto dy komuna është i lidhur ngushtësisht me komponentët e tjerë te projektit "Administrimi i Integruar i Ekosistemit të Basenit të Prespës"

Plani Lokal i Veprimit në Mjedis është në linjë me përpjekjet e qeverisë shqiptare për forcimin e mëtejshëm të proceseve të planifikimit mjedisor në të gjitha nivelet ashtu si kërkohet dhe nga Procesi i Asocim-Stabilizimit .

Qëllimi i këtij dokumenti është të adresojë the zhvillimin e paplanifikuar, zhvillimin e shpejtë të nismës private e shoqëruar me ndërhyrje të pakontrolluara në infrastrukturën ekzistuese, e cila ka ndikuar negativisht në natyrë dhe në shëndetin e popullatës.

Grumbullimi i të dhënave të disiplinave të ndryshme në komunë, duke filluar nga veçoritë fiziko - gjeografike, trualli, pasuritë natyrore dhe nëntokësore, uji, bujqësia, biodiversiteti, pyjet, peshkimi, hidro - gjeologjia të dhëna demografike, përdorimi i terreneve, energjia, mbetjet urbane, edukimi etj., pasi kaluan në disa stade diskutimi dhe përmirësimi, janë konceptuar në një dokument të integruar me një fokus të qartë të mbrojtjes së natyrës.

Dokumenti pritet ti shërbejë autoriteteve vendore dhe qendrore, biznesit, organizatave të ndryshme, specialistëve dhe grupeve të tjera të interesuara, për të zhvilluar më tej vizionet e tij për një zhvillim me bazë përdorimin e pasurive natyrore në mënyrë të qëndrueshme në të gjithë Parkun e Prespës.

Procesi dhe metodologjia
Plani Lokal i Veprimit në Mjedis për komunat Liqenas dhe Progër, hartohet nga specialistë vendorë të këtyre komunave, Qendrës Rajonale të Mjedisit (REC) si dhe ekspertëve kombëtarë nga projekti i Parkut të Prespës.
I zhvilluar në tre pjesë kryesore, PLVM është konceptuar në kapitujt kryesorë: Analiza e situatës, Rekomandime dhe strategjia për zhvillim, dhe Plani i Veprimit. Duke u kujdesur në mënyrë të vecantë në ndërveprimet ndërmjet çështjeve të ndryshme, për secilën çështje paraqitet problematika, rekomandimet dhe ndërhyrjet konkrete. Kështu, dokumenti trajtohet në një rrjedhjë logjike, ku së pari përcaktohet dhe analizohet problemi, dhe më pas jepen rrugët e mundëshme të zgjidhjes.
Një nga hallkat më të rëndësishme të procesit ka qenë diskutimi i gjetjeve dhe përfundimeve të dokumentit me një numër të konsiderueshëm specialistësh vendorë dhe përfaqësues të komunitetit

Për më shumë rreth këtij projekti, kontaktoni me:
Eduart Cani
REC Shqipëri
edi@albania.rec.org