• Për t’u bërë më shumë efektivë në aktivitetet e tyre;
• Për të forcuar qëndrueshmërinë organizative të tyre; dhe
• Për të rritur imazhin e tyre kundrejt qytetarëve dhe komuniteteve.

Metodologjia

Mekanizmi i Vlerësimit Organizativ (OAT)
Fillimisht do të përgatitet një mekanizëm për vlerësimin organizativ, që do të përdoret për të ndihmuar Organizatat e Shoqërisë Civile, edhe në Shqipëri, për të vlerësuar strukturat dhe vlerat e tyre të brendshme, vendin e tyre në shoqëri dhe të vendosin shkallën e përfaqësimit të grupeve të tyre të interesit dhe anëtarëve.

Organizatat e shoqërisë civile, që do të përzgjidhen, do të ndërmarrin këtë proces vlerësimi organizativ, që do të nxjerrë në pah fushat ku organizata ka nevojë të zhvillohet më tej (për shembull, bashkëpunimi institucional dhe organizativ, rrjetëzimi programatik dhe ndërorganizativ, partneritete dhe komunikimi). Metodologjia e vlerësimit do të hartohet për të marrë në shqyrtim të gjitha aspektet e organizatës dhe që të përdorë mekanizma vlerësimi llogaritës, ku të jetë e mundur. Kjo do të përfshijë tabela (auditim), tregues të performancës, dhe kuadër për matjen e performancës (kapacitete).

Rezultatet e këtij vlerësimi organizativ për secilën organizatë do të përdoren për të hartuar një plan zhvillimi që do të sjellë menaxhimin më të mirë të burimeve dhe programeve në periudhë afatshkurtër dhe afatgjatë. Do të mundësohen dhe grante për të ndihmuar organizatat pjesëmarrëse për të zbatuar elemente kyç të identifikuara të planin e zhvillimit.

Pas vlerësimit, performanca e secilës organizatë, gjatë zbatimit të planit të zhvillimit, do të monitorohet në mënyrë periodike. Ky monitorim do të mundësojë që grupi i punës i projektit të ndihmojë organizatën gjatë gjithë procesit. Do të ofrohen trajnime dhe këshillime për çështje që janë të rëndësishme për të siguruar suksesin dhe qëndrueshmërinë e organizatës.

Aktivitetet

Hartimi i mekanizmit të vlerësimit organizativ do të jetë aktiviteti kryesor i këtij komponenti. Ai do të përdoret në të gjashtë vendet e përfshirë në programin SECTOR.

Afro 10 organizata të shoqërisë civile do të përzgjidhen nga Shqipëria, për të përdorur mekanizmin e vlerësimit organizativ. Më tej, do të hartohen planet e zhvillimit për këto organizata dhe do të mbështeten ato, me trajnime dhe grante, për zbatimin e tij.

Një grup anëtarësh të organizatave dhe një numër nga stafi i REC do të trajnohen për të përdorur mekanizmin e vlerësimit organizativ, me synimin për të ngritur kapacitetet njerëzore për përdorimin afatgjatë të këtij mekanizmi dhe, si rrjedhojë, dhe ndikimin e këtij komponenti në rajon.

Afatet kohore

Qershor  – Dhjetor 2006
Hartimi i mekanizmit të vlerësimit organizativ dhe trajnimi

Janar – Shtator 2007
përzgjedhja e organizatave të shoqërisë civile që veprojnë në komunitet

Prill 2007 – Shtator 2008
vlerësimi organizativ dhe hartimi i planeve të zhvillimit për organizatat

Tetor 2007 – Shtator 2009
zbatimi i planeve të zhvillimit të organizatave (fonde dhe konsultime)

Tetor – Dhjetor 2009
përfundimi i Mekanizmit të Vlerësimit Organizativ

Janar – Mars 2010
Vlerësimi dhe shpërndarja e informacionit

Rezultatet

• Një mekanizëm për organizatat e shoqërisë civile për të kryer vetëvlerësime dhe mbështetja e tyre për të zbatuar ndryshimet organizative. Ky mekanizëm do të vlerësojë efektivitetin dhe qëndrueshmërinë organizative, institucionale dhe pikat kryesore të programit.
• Trajnime të trajnerëve do të sigurojë që në secilin vend do të ketë të paktën 10 trajnerë, të aftë për të kryer vlerësimin dhe mbështetur organizatat për të përmirësuar efektivitetin e tyre në të ardhmen.
• Të paktën 10 organizata në Shqipëri (60 në gjithë rajonin) do të kryejnë vlerësimin organizativ dhe do të përgatisin një plan zhvillimi.
• Të paktën 25 organizata nga 60 të përmendura më sipër, do të zbatojnë planet e zhvillimit për menaxhim më të mirë të burimeve dhe programeve.

Programi SECTOR 

Programi është mbështetur nga

Sida

Agjencia Suedeze për Zhvillim dhe Bashkëpunim Ndërkombëtar

Thirrje për Aplikime pë Mbështetje për Qëndrueshmërinë Organizative

Thirrje për ekspertë

(220 KB - doc)

Thirrje për Organizata të Shoqërisë Civile

(275 KB - doc)

Adresari i Organizatave të Shoqërisë Civile për Mjedisin në Shqipëri, 2006 (760 KB - pdf)

Pyetësori për Organizatat e Shoqërisë Civile

Metodologjia

Aktivitetet

Afate kohore

Rezultatet

E-mail: rec@albania.rec.org